16. Festival kajkavske komedije ‘Dani Mladena Kerstnera’
I ovu bu letu v Ludbregu festival kajkavske komedije “Dani Mladena Kerstnera”! Na festivalu buju amaterske kazališne grupe, pravi komedijaši, izvodile dramske tekstove na kajkavskome. Se ovo se održava v čast našega pisca i scenarista koj je promoviral kajkavsku reč, Mladena Keršnera, kojega znate po kultnim serijama “Gruntovčani” i “Mejaši”.
Predstave saki dan počneju v 6 vuri navečer i zabadava su, a rasporeda si pogledajte tu:
Raspored:
ČETRTEK, 23.11.2023.
ŽUFKA ČUČA – Dramska skupina OŠ Ludbreg (15 MIN)
Dudek je trebal zaklati čučicu kaj babica skuha za obed Regi i težakima. Čučica je pobegla na cestu, pregazil ju je Dalmatinac. Dudek je v momentu zmislil celi scenarij v svoji glovi i preveslal Dalmatinca.
STRIC IZ AMERIKE – Dramska družina OŠ Martijanec (12 MIN)
Ivka se zaljubi v Iveka, al njeni roditelji ji ne daju da se z njim oženi. Z Amerike dojde pismo od strica Nikole koji se pod stare dane oče vrnuti nazaj, a Ivka mu odgovori i nese pismo na poštu…
KOGA NEMA BEZ NJEGA SE MORA – Amatersko dramsko kazalište Sveti Križ Začretje (30 MIN)
V frizeraju se navek trača, nema cenzure, a tu se v isto vreme moreju najti ljudi sake fele. Mala sredina di sako sakoga pozna i se se zna. Saka sličnost z stvarnim osobama je slučajna.
BABY BOOM – “Ka Te Briga Mi”, dramska sekcija KUD-a Općine Petrijanec (30 MIN)
Kaj se trebate znati o vežbanju v trudnoći, kak je različitim trudnicama, kaj ih povezuje v borbi z hormonima i sikakvim načinima života? Saznajte v predstavi.
GODIŠNJICA BRAKA (ČRNO JAJCE) – Dramska Diletantska Družina KUD-a “Kaštel” Pribislavec (20 MIN)
Žena koja oče puno toga i poslušni muž dobiju godišnji odmor na poklon prek TV prodaje, a to more ispasti se, samo ne odmor.
NEKAD I SAD – Dramska udruga “KAJ”, Zabok (30 MIN)
Posle 6 meseci Petra, koja se razišla od muža, seli se nazaj z grada na selo i na autobusnoj sretne Nadu koja putuje k svoji kćeri. Makar Nadu vidi prvi put, Petra ji oće spripovedati celi svoj život, a Nada nema drugo neg ju poslušati.
PETEK, 24.11.2023.
JURA SE STRELJIL – KUD “Lepoglavski pušlek”, Lepoglava (30 MIN)
Sagdanji život muža i žene, se kroz smeh.
FTIČI KAJKAVIČI (JOŠ JENA AUDICIJA) – Dječja glumačka družina “Gumbeki”, KUD “A. Ošpuh” Ludbreg (30 MIN)
Učeniki dojdeju na audiciju za kajkavske glumce, a mi gledimo kaj delaju dok čekaju da dojdeju na red.
GNOJ – Dramska Diletantska Družina KUD-a “Kaštel” Pribislavec (25 MIN)
V zdravstvu je se po zakonu, nema mita ni korupcije, nebre se niti iti prek reda… Obični gnoj more napraviti pravoga kaosa v ordinaciji.
KOD FOTOGRAFA – Kazališna scena Kalmana Mesarića, Prelog (20 MIN)
Slikanje za dokumente zgledi jednostavno, no dok dojde stranka koja ima svoje ideje to je baš i ne jednostavno. Dal buju na kraju uspeli obaviti slikanje, pogledajte v predstavi.
SOBOTA, 25.11.2023.
NE ZNAŠ KO’ TU KOGA – Dramsko-amaterska skupina “Profesionalci”, Gojanec (25 MIN)
Miško je sam doma jer mu žena Franca i kćer Ivka navečer vani pijeju i imaju ljubavnike. Policajec oče ženiti Ivku, a Franca ljubuje z automehaničarom. Na vrata dojde Ciganica Suzana koja veli da ji je Miško napravil blizance. Kaj bu na kraju zišlo pogledajte v predstavi.
K MEŠI, NA PLAC I DIMO – Đurđa Kokanović (15 MIN)
NEDELJA, 26.11.2023.
ZLEVANKA – Mali čuvari baštine, OŠ Veliki Bukovec (5 MIN)
Štefa priprema zlevanku, al nema se kaj ji treba pa zove Micu kaj ji posudi. Zbog toga se počneju svaditi, a Ifka i Jula ih probaju zmiriti.
NA PLACU – Amaterska glumačka družina “LUN-MLA”, Lunjkovec (25 MIN)
Ankica i Milica su kume z placa, a makar im biznis negda i nede, nigdar im je ne dosadno. Tak im je denes jena Ciganica napravila da nigdar ne zabiju ovoga dana.
ISPOD MARELICE – Glumačka družina “Komedijaši” Stažnjevec (30 MIN)
Štef i njegova bogata žena otpiraju pansiona pa im se najavi financinspektor. Dojdeju gosti, a med njima i lopov i tu počneju problemi.
VAŽNO JE ZNATI KOME (PRO)DATI – Glumačka skupina “Opojski zvon”, Rasinja (20 MIN)
Kata koja se zna snajti, al je ne baš vredna iskoristi vrednu Maru koja se baš i ne zna snajti pa dojde do dost penez.
NEDJELJA NAŠA SVAGDAŠNJA – Udruga žena Općine Sveti Đurđ “Veliko srce” (30 MIN)
Kak i saku nedelu, žene ideju doma z meše, ali usput treba „obraditi“ se kaj se desilo čez tjeden, isto kak i župnika, selske snehe i ostale.
Datum
- stu 23 - 26 2023
- Isteklo
Vrijeme
- 18:00 - 20:00
Lokalno vrijeme
- Timezone: America/New_York
- Datum: stu 23 - 26 2023
- Time: 12:00 - 14:00
Oznake
- Predstava
Lokacija
- Ludbreg, Trg Sv. Trojstva 19
Kategorije
Organizator
-
Centar za kulturu i informiranje 'D. Novak'
-
Telefon
042 306 114 -
Email
info@czkidn.hr -
Internetska stranica
http://www.czkidn.hr