Festival kajkavske komedije “Dani Mladena Kerstnera” održava se u čast hrvatskog književnika, scenarista i promicatelja kajkavske riječi Mladena Kerstnera, Ludbrežanina najpoznatijeg po kultnim serijama „Gruntovčani“ i „Mejaši“.
Osamnaesto izdanje festivala nastavlja tradiciju promicanja kajkavske riječi kroz smijeh. U razdoblju od 27. do 30. studenoga dvadeset će amaterskih kazališnih družina izvesti dvadeset predstava, a publiku u navedena četiri dana očekuje preko devet sati smijeha.
Predstave svakog dana počinju od 18 sati u dvorani Centra za kulturu i informiranje “D. Novak” Ludbreg. Ulaz je besplatan.
Raspored
ČETRTEK, 27. 11. 2025.
NIGDAR JE NE KESNO – Glumačka družina žena “LUN-MLA” Lunjkovec
Suseda Mica ima veliki problem jer je pozvana na svečani ručak, a sram ju je iti med fine ljude. Mara i Ifkica pomažeju Mici v pripremama i očeju da ona čim bole zgledi i da bu ji lepo. Mica je dost nesigurna v sebe, al se ipak na kraju odluči iti.
NAČELNICA – KUD “Lepoglavski pušlek” Lepoglava
Nova načelnica rešava sakodnevne probleme i sama sej govori: “Šta je meni ovo trebalo?!”
SIROTA JONA – KUU “Lipa” Gornji Mihaljevec
Suseda Jona svoji prijatelici Mari podnosi redovni izvještaj sih novosti v selu. Mara je ne baš oduševljena pak se pokušava čim pre rešiti naporne Jone. V tome semu Jona oče zvleči čim više informacija od Mare ka bi ih dale širila po selu.
APLIKACIJA – Kulturno-umjetničko društvo “Srce” Koprivnica
V podravskom mestu med starešima se proširi da je došla Aplikacija. Jen dio krene istraživati o aplikaciji i tak nastanu sikakve zgode i nezgode o meštanima, dok se ne sazna istina. Članovi KUD-a popevaju i izvorne pesme!
PETEK, 28. 11. 2025.
STRIC SE JE VRNUL Z AMERIKE – Dramska družina OŠ Martijanec
Stric Mikula napokon treba dojti doma. Brat Adam i njegova žena Mara nadaju se velikomu bogatstvu, ali je brod potonul jer je bilo nevreme i mort je stradal i stric Mikula! V međuvremenu Fika z svojim sinom Furjanom dolazi zaprositi Ivkicu, al ji planove poremeti teca Bara. Dal bu se stric vrnul živ i dal bu Ivkica sretna z svojim Ivekom?
ZGUBLENA PREDSTAVA – DGD “Gumbeki” KUD-a “A. Ošpuh” Ludbreg
Deca se spremaju na nastup, a nemaju nit priču nit dost vremena. Na kraju pokažeju da se se more dok se male glave složiju.
KAK JE NASTAL FERDINAND – HKUD “Frankopan” Ferdinandovac
Ferdinandovac je jedinstveno selo jer ima točni datum postanka! Obiležava se ko Dan preseljenja 9. studenoga jer su na molbu meštana 1844. vlasti vojne krajine po zapovedi bečkoga cara Ferdinanda V. zgradile Ferdinandovca.
DOBRO DOŠLI DRAGI GOSTI – Društvo žena Reka
Navek je lepo biti pozvani v svate! Red je i odazvati sev vrnuti poklona, lepo se proveseliti z dragim ljudima
GDA TE Z WEBA LJUBAV NAVREBA – Amatersko dramsko kazalište Sveti Križ Začretje
Sakodnevni život čoveka je puni sitnih i krupnih prevari. Moderno doba i internet sam pomažeju prevarantima, a dok još naletiju na usamlenu dušu prevari i manipulacijama nigdar kraja.
PRETAKANJE VINA – Pučki teatar Bjelovarskih slavuja
Gospa Štefa i njen muž Ivek se spremaju pretakati vino, a za ovaj put buju napravili dobroga obeda i pozovali tamburaše. Čim Štefa otide na plac dolazi suseda Barica koja inače stalno lovi Iveka čim Štefe nema. Tu dolazi do problema i zapleta, a kaj je bilo bute vidli.
SOBOTA, 29. 11. 2025.
BARA IDE NA SASTANAK – U. U. Sračinec, Svibovec
Barica se sprema na sastanak v grad, a sako malo ju neko spuntava, od babice i susede Jule do muža koj se vrne z krčme. Tu je i Barina kčer Rozika za koju suseda Jula ima velike planove. Bu Barica na kraju otišla na sastanak?
BEZ PAMETI – Kazališna scena Kalmana Mesarića, Prelog
Život v domu umirovljenika ima dobre i loše strane. Dogodovštine Iveka posle netipičnog povratka z doma poglečte v predstavi “Bez pameti”.
JEDNA ODE, A DVE DOJDU – Dramsko-amaterska skupina “Profesionalci”, Gojanec
Suzi dela ko konobarica v selski birtiji, a Ifka je došla piti rakiju jer se dečko nije pojavil na spojaku pa je jadna… V razgovoru skuže da su preveslane obadve. Za to vreme je Miška v svoji hiži z mamom i ženom. Z vremenom dolaze Suzi i Ifka i onda nastane zaplet – ko je kome kaj i ko tu koga.
MUHA UBOJICA – Dramska sekcija KUD-a Općine Donji Kraljevec
V kuhinji je burna rasprava, Iva namrgođeno mlatari z muhobatom i srdito gledi svoju ženu koja se sprema za izlazak z prijatelicami. Ovaj put Mara odlazi nasmejana, al dok se vrne dočeka ju neugodno iznenađenje i nova situacija z mužom i muhom ubojicom!
KASTING – Dramska Diletantska Družina Kaštel Pribislavec
Dela se novi šou „Stoka sitnog zuba“ i TV-kuča „Hrvatska realnost“ išče voditelja ili voditeljku. Održava se kasting na kojemu se kandidati natječeju svojim (ne)umječem v kategorijama plesa, popevke i glume, al obrat je neočekivani.
NEDELJA, 30. 11. 2025.
LJUBAF – GU “Opojski zvon” Rasinja
Romantična komedija koja prati neostvarenu ljubaf ve več zrelih Stjepana i Ane. Njihova priča prepeltena je z pohlepnim planovima njihovih snahi, kaj onda vodi do niza komičnih situaciji. Na kraju pravda pobedi, a saki dobi ono kaj zaslužuje – bilo nagradu il kaznu.
ČUVARIJA – DS “Banda”, KUD “Zadobarje”
Na večeri bdenja nad hmrlim skupila se familija i najbolši prijateli. V neočekivanomu posjetu jenoga gosta otkrije se pravi uzrok smrti i nataneju veliki problemi koji se moraju rešiti.
KARMINE – DS Udruge umirovljenika Ferdinandovac
Posle japinoga sprovoda familija se okupila na karminama. Dojde do svađa oko deljenja imovine, mama Kata otkriva da postoji oporuka koju kčer neče priznati. Padaju teške reči, al mama se to rešava na svoj način.
JOŽICA IDE V SLUŽBU – Amaterska družina Udruge umirovljenika i starijih osoba općine Mali Bukovec
Puca Jožica beži od hiže kaj se ne morala ženiti i najde si posla v gradu pri jeni milostivi. Nakon dugo vremena najdeju ju mama i zaručnik.
GRUNTOVEC ZANAVEK – Udruga žena općine Sveti Đurđ “Veliko srce”
Katalenići muku muče kak ziti na kraj z financijama, i dok se konačno čini da je krenulo na bolje, babica se odluči hmreti. I onda nastaju problemi…
Ak se kaj promeni, javili bumo tu.
